काठमाडौं,२९ असार
बैतडीमा बाजेको कुटाइबाट नातिको मृत्यु भएको छ । पुर्चौंडी नगरपालिका–६, मुडेलीधारमा ५० वर्षीय गणेश साउदको कुटाइबाट दुई वर्षीय नाति रेशम साउदको मृत्यु भएको हो ।
बाजे गणेशको कुटाईबाट गम्भीर घाइते भएका रेशमको उपचारको क्रममा डडेलधुरा अस्पतालमा आज बिहान मृत्यु भएको प्रहरीले जानकारी दिएको छ।
बाजे गणेशकै कुटाइबाट आठ वर्षीय नाति रिजन साउद गम्भीर घाइते भएका छन् । कैलालीको धनगढीस्थित नवजीवन अस्पतालमा आईसीयूमा राखेर उनको उपचार हुँदै छ ।
कुटपिट गर्ने गणेशलाई प्रहरीले पक्राउ गरी उनीविरुद्ध कर्तव्य ज्यान मुद्दा दर्ता गरी अनुसन्धान अघि बढाइएको प्रहरीले जानकारी दिए।
कुटपिटको कारण खुल्न नसकेको प्रहरीले जनाएको छ ।
