काठमाडाैं, २ साउन
बर्दिया मधुवन नगरपालिका—९ गाउँ नम्बर १२ बाट लागूऔषध ब्राउन सुगर जस्तो देखिने खैरो धुलो पदार्थसहित प्रहरीले दुई जनालाई पक्राउ गरेको छ ।
पक्राउ पर्नेमा मधुवन—९ १२ नम्बर गाउँका २२ वर्षीय समीर गुरुङ र सोही पालिका—८ गाउँ नम्बर ६ का २९ वर्षीय जीवन खत्री रहेका छन् । उनीहरुलाई लागुऔषध ब्राउन सुगरसहित पक्राउ गरेकाे जिल्ला प्रहरी कार्यालय, बर्दियाका सूचना अधिकारी एवं डिएसपी हिक्मतबहादुर बोहोराले जानकारी दिए।
सोमबार शंकास्पद रुपमा हिँडिरहेका ती युवाको प्रहरीले खानतलासी गर्दा ४० मिलीग्राम लागूऔषध फेला परेको हो । जिल्ला अदालतबाट म्याद थप गरी लागूऔषध मुद्दामा अनुसन्धान भइरहेको उनले बताए ।
