सुन तस्करी प्रकरण: भन्सारका कर्मचारी निलम्बन गर्ने तयारी, छानबिन गर्न समिति गठन

यसैगरी विभागले यो सुन तस्करी प्रकरणका विषयमा छानबिन गर्न समिति बनाउने भएको छ। विभागमा भर्खरै सम्पन्न छलफलबाट छानबिन समिति गठन गर्ने निर्णय भएको हो। जाँचपासमा संलग्नबाहेक अन्य कर्मचारीको पनि यो प्रकरणमा संलग्नताका विषयमा पनि छानबिन हुने स्रोत बताउँछ।

राजस्व अनुसन्धान विभागबाट खटिएको टोलीले भन्सार जाँचपास भएर सिनामंगलको सडकमा निकालिसकिएको अवस्थामा उक्त सुन बरामद गरेको थियो। यो प्रकरणमा संलग्न एक भारतीयसहित ६ जनालाई विभागले पक्राउ गरी अनुसन्धान गरिरहेको छ।