काठमाण्डौ। नेपालमा हिन्दू राष्ट्र पुनर्स्थापना गरि विश्वमा रहेको पहिचान कायम गर्न संबिधान संसोधन अबिलम्ब गर्नुपर्ने माग राख्दै विश्व हिन्दु महासंघ नेपालका पदाधिकारी राष्ट्रपति तथा उपराष्ट्रपति समक्ष पुगेका छन्। केहि दिन अघि आफैंहरुले फेसबुकमा पोस्ट राख्दै उक्त कुरा उल्लेख गरिएको थियो। तर खेदजनक कुरा चाहिं , राजालाई हिन्दु धर्ममा हिन्दु सम्राट मानिन्छ तर विश्व हिन्दु महासंघका पदाधिकारीको माग भने हिन्दुराष्ट्र मात्र हो त्यो पनि राजा बाहेकको।
भारतको कुनै एक पक्षको पनि धारणा नेपाललाई हिन्दु गणतन्त्र बनाउनुपर्ने भन्ने रहिआएको बेलामा यता विश्व हिन्दु महासंघ नेपालका पदाधिकारी यसरि हिन्दुराष्ट्र मात्रको माग गर्दै राष्ट्रपति समक्ष पुग्नुले गणतन्त्रलाई जोगाई संविधान संसोधन मार्फत हिन्दुराष्ट्र मात्र कायम गर्नु भन्ने माग रहेको बुझिएको छ। यस अर्थमा यो मागलाई निक्कै अर्थपूर्ण तरिकाले हेरिएको छ।
