एमाले र स्वतन्त्र पार्टी तीन-तीन ठाउँमा विजयी,

मंसिर ४ गते भएको मतदानको मतपरिणाम आउनेक्रम सुरु भएको छ। केही ठाउँमा मंसिर ४ गतेदेखि नै र केही ठाउँमा मंसिर ५ गतेदेखि गणना सुरु भएकाले बुधबारसम्म धेरै मतपरिणाम आइसक्ने अनुमान गरिएको छ।

अहिलेसम्म सत्ताको नेतृत्वकर्ता नेपाली कांग्रेसले १३ ठाउँमा जित दर्ता गर्दा प्रतिपक्षी दल एमाले तीन ठाउँमा विजयी भएको छ। रवि लामिछाने नेतृत्वको राष्ट्रिय स्वतन्त्र पार्टीले काठमाडौंका तीन ठाउँमा जित दर्ता गर्दै विजयको पाइला अगाडि सारेको छ। माधवकुमार नेपाल नेतृत्वको एकीकृत समाजवादीले एक ठाउँमा जितेको छ भने राष्ट्रिय प्रजातन्त्र पार्टी (राप्रपा)लेसमेत एक सिट जितेको छ। उता कैलालीमा नागरिक उमुक्ति पार्टीलेसमेत एक सिट जितेको छ।