रवीन्द्र मिश्रको चाहना पूर्वराजा ज्ञानेन्द्रलाई राष्ट्रपति बनाउने

सामाजिक संजालमा लेख्दै मिश्रले राष्ट्रपतिलाई राजनीतिभन्दा माथिको पद भनिए पनि भूमिका सधैं पार्टीगत भएकोले पूर्वराजा यतिखेर राष्ट्रप्रमुखका लागि सबैभन्दा योग्य पात्र भएको उनको दाबी छ र बढ्दो कुशासनविरुद्ध पनि राष्ट्रप्रमुखमा पूर्वराजा योग्य भएको जिकिर उनले गरेका छन् ।

‘राष्ट्रपतिलाई राजनीतिभन्दा माथिको पद भनियो। तर राष्ट्रपतिको भूमिका सदा पार्टीगत रह्यो। सेनाबाहेक देशका सबै संस्था क्षयीकृत छन्। समाज महाभ्रष्ट छ। आइक्यू संरमै सबैभन्दा कम छ। धर्मसंस्कृतिमाथि धावा बोलिएको छ। देश अन्तर्राष्ट्रिय भूराजनीतिको चपेटामा पर्दैछ र परिसक्यो’ मिश्रले भनेका छन्, ‘यस्तो अवस्थामा कहिले ‘होली वाइन’, कहिले ‘विदेशीका एजण्ट’, कहिले ‘नातावादमा लिप्त’, कहिले ‘भ्रष्ट’ र ‘राष्ट्रघातमा अभ्यस्त’हरूको नाम राष्ट्रपतिको पदका लागि चर्चामा छ। राष्ट्रपतिको संस्था भनेको संकटको घडीमा आड दिने ‘कुशन’ हुनु पर्ने हो। तर त्यो कुशासनको केन्द्रविन्दू बनेको छ।