काठमाण्डाैँ,
चैत २ गते । दमकमा नक्कली नोट र लागूऔषध कारोबार गर्दै आएका दाजुभाइलाई प्रहरीले पक्राउ गरेको छ ।
बिर्तामाेड-४ मेघाबारीबाट एकै परिवारका दुईभाइलाइ नक्कली नेपाली र विदेशी नाेटसहित पक्राउ गरेकाे झापाका जिल्ला प्रहरी कार्यालयले जानकारी दिएका छन्। दाजुभाइ मिलेर आफ्नै घरबाट नक्कलि नाेटकाे काराेबार गर्दै आएको उहाँलेे बताउनु भयाे।
प्रहरीलाई प्राप्त सूचनाका आधारमा बुधबार साँझ खानतलासी गर्दा नेपाली एक हजार दरका काटिएका ६० थान, नकाटिएका २८ थान, पाँच सय दरका दुई थान र अष्ट्रेलियन एक सय दरका तीन थान नक्कली नोटसहित स्थानीय सुवास ताजपुरिया र १९ वर्षीय प्रवीण ताजपुरियालाई प्रहरीले पक्राउ गरेको हो ।
प्रतिबन्धित लागूऔषध, सक्कली नेपाली तीन हजार रुपैँया, मोबाइल चार थान र एकथान मोटरसाइकल प्रहरीले बरामद गरेकाे जिल्ला प्रहरी कार्यालय झापाका प्रवक्ता खगेन्द्रप्रसाद रिजालले जानकारी दिनुभयाे।
