निर्वाचन प्रहरीमा आवेदन कम भएपछि दुई दिन म्याद थप

जिल्ला प्रहरी कार्यालय गुल्मीका प्रहरी नायब उपरीक्षक (डीएसपी) गङ्गा बहादुर सारुका अनुसार नेपाल प्रहरीमा ३९५ र सशस्त्र प्रहरी बलमा ३१ आवेदन कम परेको छ। दुवै विभागमा आवेदन दिएका केही छनोट प्रक्रियामा सहभागी नभएकाले अहिले ४ सय २६ जनाका लागि आवेदन खुला गरिएको छ। जिल्ला प्रहरी कार्यालयले सूचना जारी गरेर आवेदन दिने म्याद फागुन १० र ११ गते थप गरेको हो।

इच्छुक र योग्य नेपाली नागरिकहरूले जिल्ला प्रहरी कार्यालय, तम्घास, इलाका प्रहरी कार्यालय रिडी तथा इलाका प्रहरी कार्यालय पुर्कोटदहमा स्वयम् उपस्थित भएर आवेदन दिन सक्ने प्रहरी नायब उपरीक्षक सारुले जानकारी दिए।

साथै, पुस २५ देखि माघ ३ सम्म विभिन्न कारणले फारम भर्न नसक्ने उम्मेदवारहरूले पनि यो थप म्यादभित्र उपस्थित भएर छनोट प्रक्रियामा सहभागी हुन सक्ने जनाइएको छ।