क्यानडाले दियो नेपाललाई १६२ रनको लक्ष्य

क्यानडाले आईसीसी टी–२० पुरुष विश्वकपको वार्मअप खेलमा नेपाललाई १६२ रनको लक्ष्य दिएको छ । चेन्नईको एमए चिदम्बरम क्रिकेट मैदानमा टस जितेर पहिले ब्याटिङ गरेको क्यानडाले निर्धारित २० ओभरमा ६ विकेट गुमाउँदै १६१ रन बनाएको थियो ।

क्यानडाका लागि नवनित धालिवलले सर्वाधिक ४१ रन बनाए । उनले ३६ बलमा एक चौका र ३ छक्का प्रहार गरे । श्रीयस मोब्बाले १९ बलमा २ चौका र ३ छक्कासहित ३८ रनको योगदान गरे । कंवरपाल तथगुरले २५ रन बनाए ।