सुर्खेत । गत शुक्रबार भेरी नदीमा बेपत्ता भएकी २१ वर्षीय पुष्पा सिंहको शव फेला परेको छ ।
सल्यान प्रहरीका अनुसार, बिहीबार सुर्खेत गुर्भाकोट नगरपालिका—९, पोखरे स्थित भेरी नदीको किनार शव भेटिएको हो ।
दाङको तुलसीपुर उपमहानगरपालिका–६ बरुवा गाउँकी पुष्पाको माइतीघर सल्यानको बनगाड कुपिण्डे नगरपालिका–६ सुनौली हो । गत शुक्रबार दिउँसो १२ बजेतिर सोही नगरपालिकाको वडा नम्बर १ को जडागौडास्थित भेरी नदी माथि रहेको पक्की पुलबाट उनी नदीमा हाम फालेको बताइएको छ ।
लगत्तै उनका श्रीमान् त्रिदेव मल्लले फोन गरेर इलाका प्रहरी कार्यालय देवस्थलमा जानकारी गराएका थिए ।
