उत्तरी गोरखाका सबै मतपेटिका सदरमुकाम ल्याइयो, आजैदेखि मतगणना शुरू हुने

सहायक प्रजिअ शर्माका अनुसार हिजो नै ती मतपेटिका ल्याउने तयारी भए पनि मौसम खराबीका कारण सम्भव भएको थिएन। आज बिहान मौसम खुलेसँगै सेनाको हेलिकप्टरले बाँकी रहेका सबै मतपेटिका सुरक्षित रूपमा सदरमुकाम ल्याएको छ। यसअघि शुक्रबार सेनाको हेलिकप्टरले ९ वटा मतदान केन्द्रका मतपेटिका ल्याएको थियो।

गोरखा क्षेत्र नम्बर १ का सबै मतपेटिका संकलनको काम सकिएकाले आजैदेखि मतगणना अगाडि बढाउने तयारी भएको छ। गोरखामा यसपटकको प्रतिस्पर्धालाई निकै चासोका साथ हेरिएको छ र गणना सुरु भएसँगै सुरुवाती नतिजा आउने अपेक्षा गरिएको छ।