चुनावी हारपछि जसपा नेपाल अन्तरिम समीक्षामा

यसखालको असफलतालाई पार्टीले गम्भीर रूपमा लिएको छ । यसको बारे निर्मम ढङ्गले समीक्षा हुन्छ । त्यसपछि पत्रकार सम्मेलन गरेर आफ्नो धारणा सार्वजनिक गर्ने उनले बताए ।

यसअघि सङ्घीय लोकतान्त्रिक मोर्चाको बैठकले चुनावमा असफलता हात लाग्नुको कारणमा बालेन शाहलाई देखाएको थियो । मधेसको छोरा प्रधानमन्त्री बन्दैछन् भनेर मधेसको मत बालेनलाई गएको निष्कर्ष निकाल्दै मोर्चाले बालेन प्रधानमन्त्री बन्न लागेकोमा खुसी व्यक्त गरेको थियो ।

मधेसको छोरा प्रधानमन्त्री बन्नुमा मधेसवादी दलले गरेको आन्दोलनकै देन रहेको उनीहरुले बैठकबाट ठहर गरेका थियो । तर लोकतान्त्रिक मोर्चाले गरेको निर्णयलाई जसपा नेपालका अधिकांश नेताले विरोध जनाएका थिए । लोकतान्त्रिक मोर्चाको बैठक जसपा नेपालका संरक्षक महन्थ ठाकुरको अध्यक्षतामा बसेको थियो ।

तर त्यो बैठकले गरेका निर्णयप्रति जसपा नेपालका अध्यक्ष उपेन्द्र यादव पनि सन्तुष्ट नरहेको बताइएको छ ।

जसपा नेपाल चाँडै बैठक बोलाएर आफ्नो औपचारिक धारणा सार्वजनिक गर्न लागेको हो ।