उच्च अदालत पाटनका न्यायाधीशद्वयविरुद्ध सर्वोच्चमा अवहेलना मुद्दा

न्यायाधीशद्वयले फैसला गर्दा सर्वोच्चबाट प्रतिपादित नजिर र बाध्यकारी कानुनी सिद्धान्त मिचेको आरोप लगाइएको छ । न्यायाधीशविरुद्ध विरलै मात्रामा अवहेलना मुद्दा दर्ता हुने गरेको छ ।

उक्त मुद्दामा सुनुवाइका निम्ति बुधबार (चैत १८)को पेसी तय गरिएको सर्वोच्च प्रशासनले जनाएको छ । “प्रहरी तथा ट्राफिक प्रहरीले सवारीसाधनमा ‘ह्विल लक’ लगाउने कार्य कानुनी आधारबिना गरिएको भनेर उच्च अदालतमा रिट परेको रहेछ । रिट निवेदन खारेज गर्दा सर्वोच्चबाट स्थापित सिद्धान्तलाई अनदेखा गरिएको भन्ने व्यहोरा छ,’’ सर्वोच्च स्रोतले बाह्रखरीसित भन्यो ।

नेपालको संविधानको धारा १२८ (४) ले प्रतिपादन गरेको कानुनी सिद्धान्त सबैले पालन गर्नुपर्ने स्पष्ट व्यवस्था उल्लंघन गरिएको चौधरीको जिकिर छ ।