काठमाडाैं,२५ असार
संघीय संसद्को अवरोध खुलाउन प्रधानमन्त्री पुष्पकमल दाहाल ‘प्रचण्ड’सहित शीर्ष नेताहरू वार्तामा बसेका छन्।
नेकपा माओवादी केन्द्रका अध्यक्षसमेत रहेका प्रचण्ड, कांग्रेस सभापति शेरबहादुर देउवा र प्रमुख प्रतिपक्षी दल नेकपा (एमाले)का अध्यक्ष केपी ओलीबीच सिंहदरबारमा छलफल हुने भएकाे हो।
तीन नेताबीच हिजो पनि छलफल भएको थियो। सिंहदरबारमा प्रधानमन्त्री प्रचण्डले स्पष्टीकरण दिने र एमाले अवरोध हटाउन तयार हुने सहमति भए पनि संसद् भवन पुगेपछि बिथोलिएको थियो। त्यसपछि सभामुखले बैठक आजसम्मलाई स्थगित गरेका थिए।
प्रतिनिधिसभाको बैठक आज दिउँसो ३ बजेलाई बोलाइएको छ। एमालेले प्रधानमन्त्री प्रचण्डको अभिव्यक्तिलाई लिएर राजीनामा दिनुपर्ने माग गर्दै आएको छ ।
