काठमाडौं, १५ फागुन ।
प्रधानमन्त्री पुष्पकमल दाहाल ‘प्रचण्ड’ नेतृत्वको सरकार अल्पमतमा परेको छ । नेकपा (एमाले) ले सरकारलाई दिएको समर्थन फिर्ता लिएर सरकारबाट बाहिरिने निर्णय गरेसँगै प्रचण्ड नेतृत्वको सरकार अल्पमतमा परेको हो । प्रधानमन्त्री प्रचण्डले परराष्ट्रमन्त्री विमला राई पौडेललाई जेनेभामा हुने कार्यक्रममा सहभागी हुन रोकेपछि आफूहरुको अपमान भएको महसुश गर्दै सरकारबाट बाहिरिने एमालेले निर्णय गरेको थियो ।प्रचण्ड गत पुष १० मा एमालेको समर्थनमा प्रधानमन्त्रीमा नियुक्त भएका थिए । पुष १० को सहमति अनुसार प्र माओवादी ले एमालेको तर्फबाट प्रस्तावित राष्ट्रपति लाई समर्थन गर्नुपर्ने हुन्छ तर माओवादी ले राष्ट्रिय सहमति भन्दै काँग्रेस का उमेद्वार लाई समर्थन गर्ने निर्णय गरे सँगै सत्ता गठबन्धन छिन्नभिन्न भएको हो ।
सरकारलाई समर्थन दिएको ६४ दिनमै एमाले सरकारबाट बाहिरिने तयारीमा पुगेको छ । एमाले सरकारबाट बाहिरिएर समर्थन फिर्ता लिएपछि अब प्रधानमन्त्रीले संसद्बाट विश्वासको मत लिनुपर्छ । प्रचण्डले अब विश्वासको मत प्राप्त गर्न नसकेमा संसद्मा सबैभन्दा बढी सदस्य रहेको दलको संसदीय दलको नेताका हैसियतले कांग्रेस सभापति शेरबहादुर देउवा प्रधानमन्त्री बन्नेछन् ।
