काठमाडाैं, ४ साउन
त्रिभुवन अन्तराष्ट्रिय विमानस्थल भन्सार कार्यालयकाे जाँचपास क्षेत्र पार गरेकाे सुनकाे ताैल यकिन गर्न नेपाल राष्ट्र बैंक लगिएकाे छ। राष्ट्र बैंकमा लगेर जोखेपछि बरामद सुनको वास्तविक तौल एकिन गर्न कार्यालय समय प्रारम्भ भएपछि आवश्यक प्रक्रिया पुरा गरेर राष्ट्र बैंक लगिएको हो।
बुधबार त्रिभुवन अन्तर्राष्ट्रिय विमानस्थल क्षेत्रमा गरेको खोजतलासका क्रममा विमानस्थलको भन्सार पास भएर ट्याक्सीमा लैजान लागिएको उक्त सुन विभागको टोलीले बरामद गरेको थियो।
यसैबीच, विमानस्थल भन्सारबाट जाँच पासपछि सुन बरामद प्रकरणमा भन्सार विभागले छानबिन थालेको छ । जाँच पासमा संलग्न सबै कर्मचारीलाई निलम्बन गरेर अनुसन्धान थाल्ने तयारी छ ।
