काठमाडाैं, ७ साउन
मायादेवी गाउँपालिका-४ सेमरीस्थित सुर्जमती नाउँको घरबाट चोरी गरेको सामानसहित दुई जनालाई गए राति प्रहरीले पक्राउ गरेको छ ।
२२ वर्षीय शिबम केशरी र उनकै श्रीमती १९ वर्षीया सोनी केशरी पक्राउ परेका छन् । उनिहरूकाे साथबाट करिब २ लाख ५० हजार रूपैँया बराबरकाे गर गहना फेला पारेकाे छ।
उनीहरूले सुर्जमती नाउँको कोठाबाट सुन तथा चाँदीका गर-गहना चोरी गरी भाग्ने क्रममा घरधनीले थाहा पाई खबर गर्नासाथ इलाका प्रहरी कार्यालय बेथरीबाट खटिएको प्रहरीले उनीहरूलाई पक्राउ गरेको थियो ।
उनीहरूको साथबाट करिब २ लाख ५० हजार रुपैयाँ बराबरको गर-गहना फेला पारेको छ । उनीहरू सोही घरमा डेरा गरी बस्ने भारत बनारस घर भई जगदम्बा बोरा कम्पनीमा काम गर्थे।
यस सम्बन्धमा प्रहरीले थप अनुसन्धान गरिरहेको छ ।
