काठमाण्डाैँ,
शुक्रबार बिहान नाइजेरियाको दक्षिणी राज्य रिभर्समा तेलको पाइपलाइन विस्फोटमा कम्तीमा १२ जनाको मृत्यु भएको प्रहरीले जनाएको छ ।
नदीको इमुओहा स्थानीय सरकारी क्षेत्रको रुमुएक्पे समुदायमा स्थानीय बासिन्दाहरूले पाइपलाइनबाट तेल निकाल्ने क्रममा विस्फोट भएको रिभर्सका प्रहरी प्रवक्ता ग्रेस इरिन्गे(कोकोले विज्ञप्ति जारी गर्दै उल्लेख गरेका छन् ।
अहिलेसम्म सो घटनामा कम्तीमा १२ जना जलेर मृत्यु भएको विश्वास गरिएको छ । यद्यपि पीडितहरूको परिचय भने खुल्न सकेको छैन ।
यसैबीच स्थानीयवासीले पाइपलाइनबाट इन्धन निकाल्न प्रयोग गर्ने पाँचवटा सवारीसाधन र विस्फोट भएको ठाउँमा चार वटा ट्राइसाइकल जलेर खरानी भएको पनि प्रहरी प्रवक्ताले बताए ।
स्थानीय सञ्चारमाध्यमहरूका अनुसार उक्त घटना शुक्रबार बिहानै पाइपलाइनबाट सिफन गरिएको कच्चा तेलले भरिएको बस सो क्षेत्रको अवैध रिफाइनिङ प्वाइन्टतर्फ जाने क्रममा आगोमा परेको थियो र सो दुर्घटना भएको स्थानिय सञ्चारमाध्यमहरूले जनाएका छन्।त्यस्तै नाइजेरियामा तेलका पाइपलाइन तोडफोड र तेल चोरी बारम्बार दोहोरिरहने घटनाहरू हुन्
