कर्णाली कोरिडोरको बाजुरा जिल्लाको तिथि चौरमा ट्रक दुर्घटना

ट्रक चालक रवीन्द्र खड्काले कर्णाली कोरिडोरको बाजुरा खण्डको हिमाली गाउँपालिका–४ को तिथि चौरको उकालो सडकमा गुडी रहेको ट्रक एक्कासि ब्रेक फेल भएपछि ब्याक भएर सडकबाट  तल पल्टिएकाे बताउनुभयाे। ट्रक पाँच मिटर तल खसेकाे हाे।

सो ट्रकले खाद्य व्यवस्था तथा व्यापार कम्पनी लिमिटेडको धनगढीबाट पैदल मार्गबाट ढुवानी भएर आउनु पर्ने खाद्यान्न ओसारी रहेको थियो ।ट्रकमा ८८ क्विन्टल लिमिटेडको ढुवानी अनुदानको खाद्यान्न लोड गरिएको थियो ।

ट्रक सडक निर्माणका क्रममा निस्केको ठूलो चट्टान अड्किएको छ ।  चट्टान नभएको भए ट्रक कर्णाली नदीमा खस्ने अवस्था रहेको चालक खड्का बताउनुभयाे । दुर्घटना भएको करिब डेढ घण्टापछि चालक सकुशल ट्रकबाट बाहिर निस्कन सफल हुनुभएको थियो ।

दुर्घटना भएको ट्रकबाट खाद्यान्न निकालेर अर्को ट्रकमा लोड गरिएको छ । सो खाद्यान्न हुम्ला जिल्लाको सलिसल्लासम्म ढुवानी हुनेछ ।