बैंक तथा वित्तिय संस्थाहरूमा निष्क्रिय कर्जा अनुपात बढ्न पुगेको छ : राष्ट्र बैंक

आर्थिक शिथिलताका अतिरिक्त ऋणीको क्षमताभन्दा बढी कर्जा प्रदान गर्ने प्रवृत्तिले गर्दा बैंक तथा वित्तीय संस्थाको खराब कर्जा अनुपात बढ्न पुगेको केन्द्रीय बैंकको भनाई छ । साथै विगतमा कर्जा प्रवाहमा भएको तीब्र विस्तार र बैकिङ्ग क्षेत्र लक्षित गैरव्यवसायिक गतिविधिका कारण समेत निष्क्रिय कर्जा बढ्न पुगेको राष्ट्र बैंकको ठम्याई छ ।

राष्ट्र बैंकले मौद्रिक नीतिको तेस्रो समीक्षा गर्दै वाह्य क्षेत्रमा आएको सुधारका कारण वित्तीय प्रणालीमा तरलताको स्थिति सहज भएको जनाएको छ । राष्ट्र बैंकले चालु आर्थिक वर्ष २०७९-८० को मौद्रिक नीतिको तेस्रो त्रैमासिक समीक्षा सार्वजनिक गर्दै ब्याजदर घट्न थालेको उल्लेख गरेको हाे।