गौतमबुद्ध अन्तर्राष्ट्रिय क्रिकेट रङ्गशालाको निर्माण कार्य अलपत्र अवस्थामा

तर, यति लामो समय बितिसक्दा समेत रङ्गशालाको अहिलेसम्म केवल ३५ % मात्रै काम भएको देखिन्छ ।रङ्गशाला परिसर यतिखेर झाडी र घाँसले छोपिँदै गएको छ, तर त्यसप्रतिको चासो र सरोकार भने खासै कतैबाट देखा पर्न सकेको छैन । एक वर्षअघि प्यारापिटको ढलान गरिएको थियो, तर अहिलेसम्म रङ्गशालामा थप काम हुन सकेको छैन । पिलरका छडहरुमा खियामात्रै लागेको नभएर निर्माण पूर्वाधारसमेत असुरक्षित अवस्थामा रहेको देखिन्छ । विकास निर्माणको सन्दर्भमा रङ्गशालालाई लिएर देखिएको चितवन जिल्लावासीको खुसीसमेत अहिले निराशामा परिणत हुँदै गैरहेको छ भने रङ्गशालावरपरका बासिन्दाहरुको सपनासमेत यतिखेर क्षतविक्षत अवस्थामा छ ।