काठमाडौं– नेकपा एकीकृत समाजवादीको युवा संघको केन्द्रीय सचिवालय सदस्यमाथि अज्ञात समूहद्वारा आक्रमण भएको छ।
रोल्पाको त्रिवेणी गाउँपालिका–४ घर भइ हाल तनहुँको आबुखैरेनीमा बस्दै आएका सचिवालय सदस्य मगरमाथि तीन/चार जनाको समूहले उनलाई आक्रमण गरेको हो।
कसले र किन आक्रमण गर्यो भन्नेबारे केही थाह नभएको उनले बताए। आफूविरुद्ध भएको आक्रमणको बारेमा प्रहरीलाई जानकारी गराएको र प्रहरीले अनुसन्धान गरिरहेको उनको भनाइ छ।
आबुखैरनीमा बेलुका साढे ७ बजेतिर बाटोमा हिँडिरहेका बेला उनीमाथि अज्ञात समूहले आक्रमण गरेको हो। युवा संघले आफ्ना सचिवालय सदस्यमाथि भएको आक्रमणको निन्दा गर्दै दोषीको खोजी गरी कारबाहीका लागि माग गरेको छ।
