काठमाडाैं,
संघीय संसद्अन्तर्गत दुवै सदनको बैठकमा सरकारले ल्याएको नीति तथा कार्यक्रममाथिको छलफल जारी छ । मंगलबारको राष्ट्रियसभाको बैठकमा प्रधानमन्त्री पुष्पकमल दाहाल ‘प्रचण्ड’ले नीति तथा कार्यक्रममाथि उठेका प्रश्नहरूको जवाफ दिने कार्यक्रम रहेको छ।
जेठ ५ गते प्रस्तुत भएको नीति तथा कार्यक्रममा तीन दिन ७,८ र ९ गते राष्ट्रिय सभामा छलफल भएको थियो। जसअनुसार आज ९ गते मङ्गलबार अन्तिम दिन छलफल हुने दिन हाे।
बैठकमा सत्ता पक्षका सांसदहरूले नीति कार्यक्रम राम्रो रहेको तर्क गर्दै कार्यान्वयनमा जोड दिएका छन्। प्रतिपक्षका सांसदहरूले नीति तथा कार्यक्रमले मुलुकको वर्तमान समस्या समाधान गर्न नसक्ने धारणा राखेका छन्।
