२८ जेठ,काठमाडाैं
बलिउडका चर्चित चलचित्र तथा टिभी अभिनेता मंगल ढिल्लनको निधन भएको छ ।
भारती टेलीशृंखला र चलचित्रमा समेत निक्कै उत्कृष्ट अभिनय गरेर चर्चामा आएका ढिल्लोंको लुधियानाको एक क्यान्सर अस्पतालमा उपचारको क्रममा निधन भएको हो ।
मंगल ढिल्लन लामो समयदेखि बिरामी थिए । उनी एक महिनादेखि अस्पतालमा क्यान्सरसँग लडिरहेका थिए।
उनले ‘खून भरी मांग’,‘दलाल’ र ‘तूफान मेल’ जस्ता फिल्ममा काम गरेका थिए । मंगल ढिल्लनको जन्म गाउँ फरीदकोटमा रहेको पारिवारिक स्रोतले उनको निधन भएको पुष्टि गरेको हाे।
अभिनेता यशपाल शर्माले सामाजिक सञ्जालमार्फत मंगल ढिल्लनकाे निधनप्रति शाेक व्यक्त गरेका छन्।
