प्रेमबहादुर चलाउनेकाे रिटको सुनुवाइ न्यायाधीश मनोजकुमार शर्माको इजलासमा

आफूमाथि नेविसंघका कार्यकर्ताले कुटपिट गरेको घटनाको मुद्दा सरकारले फिर्ता गर्ने निर्णयविरूद्ध उनले सर्वोच्चमा रिट हालेका हुन्।अधिवक्ता सुरज बस्नेत, सुनिता राउत बस्नेत, स्वागत नेपाल, भरत खड्का लगायतले चलाउनेको पक्षमा रिट दायर गरेका थिए।

गत जेठ ३० गतेको मन्त्रिपरिषदको बैठकले उक्त मुद्दा फिर्ता गर्ने निर्णय गरेको थियो। उक्त निर्णय सरकारी वकिल कार्यालय काठमाडौंमार्फत काठमाडौं जिल्ला अदालतमा पुगेको हो।

चलाउनेलाई ०७७ असोज २० गते योगेन्द्रबहादुर रावल, हरिप्रसाद आचार्य, रुपेश शाह, रविन कुमार लामा, सयुज श्रेष्ठ, दीपकराज ओझासहितले कुटपिट गरी गम्भीर घाइते बनाएका थिए ।