काठमाडाैं, १७ असार
जिम्बाब्वेमा जारी आईसीसी पुरुष क्रिकेट विश्वकप छनोटअन्तर्गत यूएईविरुद्ध नेपालले पहिला बलिङ गर्ने भएको छ । नेपालले टस जितेर पहिले बलिङ गर्न लागेको हो ।
नेपाल र यूएईबीचको खेल सातौँ स्थानका लागि प्लेअफ खेल हो । खेल टाकासिंगा स्पोर्ट्स क्लबमा नेपाली समयअनुसार दिउँसो १२:४५ बजेबाट सुरु हुँदैछ ।
नेपाल समूह ‘ए’ मा एक खेल जित्दै चौँथो स्थानमा रहेपछि प्लेअफ खेल्न लागेको हो । अर्कोतर्फ समूह ‘बी’ मा यूएईले खेलेका चारवटै खेलमा पराजय भोगेको थियो । यूएई समूहको पाचौँ स्थानमा रहेको थियो ।
नेपाल र यूएईको विजेताले सातौं स्थानका लागि आयरल्यान्डको सामना गर्नेछ । यसअघि भएको पहिलो प्लेअफमा आयरल्यान्डले अमेरिकालाई ६ विकेटले पराजित गरेको थियो ।
