कर्णाली प्रदेश खेलकुद विकास परिषद्को सदस्यसचिवमा नियुक्त चन्द को हुन् ?

उनको अब्बल नेतृत्व क्षमता कतार एयरवेज सहिद स्मारक ‘ए’ डिभिजन लिग २०२३ मा मार्केटिङ समितिको संयोजक र सन् २०२२ को साफ महिला च्याम्पियनसिपमा भेन्यु म्यानेजरको रूपमा सफल प्रमाणित भइसकेको छ । यसबाहेक, उनले महिला ओलम्पिक छनोट, साफ यू–२० च्याम्पियनसिप, एएफसी च्यालेन्ज लिग र फिफा विश्वकप छनोट जस्ता अन्तर्राष्ट्रिय प्रतियोगिताहरूमा स्थानीय आयोजक समितिको महत्त्वपूर्ण जिम्मेवारी सम्हालेका छन् ।

उनका उपलब्धिचन्द आरसी ३२ फुटबल एकेडेमी (रारा रेन्जर्स)का संस्थापक अध्यक्ष हुन् । यो क्लब कर्णाली प्रदेश र समग्र पश्चिम नेपालकै पहिलो क्लब हो, जसले एन्फाको राष्ट्रिय फुटबल पिरामिड अन्तर्गत ‘बी’ डिभिजनको यात्रा तय गरेर ऐतिहासिक सफलता हासिल गरेको छ । सन् २०१५ देखि उनी विभिन्न खेलकुद इभेन्टहरूमा परामर्शदाताका रूपमा समेत सक्रिय रहँदै आएका छन् ।

खेलाडी र प्रशिक्षक जीवनप्रशासकीय भूमिकामा आउनुअघि चन्द एक सफल खेलाडी थिए । उनले क्रिकेटमा यू–१५, यू–१९ र सिनियर टोलीबाट राष्ट्रियस्तरमा प्रतिनिधित्व गरिसकेका छन् । छैटौँ राष्ट्रिय खेलकुदमा फुटबल खेलाडीका रूपमा सहभागी थिए । प्रशिक्षकको रूपमा उनले शंकरदेव क्याम्पसको फुटबल र क्रिकेट टोलीलाई प्रशिक्षण दिई उत्कृष्ट नतिजा दिलाउन सफल भएका थिए ।

नेपाली, अंग्रेजी र हिन्दी भाषामा विशेष पकड राख्ने उनी आफ्नो कार्यकुशलता, स्पष्ट भिजन र समर्पणका कारण नेपाली खेलकुदलाई थप व्यावसायिक र उचाइमा पुर्‍याउन निरन्तर क्रियाशील छन् ।