काठमाण्डाैँ,

बाजुरामा विधालय जाने क्रममा भिरबाट लडेर एक बालिकाकाे मृत्यु भएकाे हाे।

बाजुराको बडिमालिका नगरपालिका – ६ कोर्धमा विधालय जाने क्रममा भिरबाट लडेर मृत्यु हुने  फडिल्ला स्थायी घर भएका दलबहादुर बडुवालकी ६ वर्षीया छोरी कमला बडुवाल रहेकी छिन्

उनि नेपाल राष्ट्रिय आधारभूत विद्यालय कोर्धमा कक्षा १ मा अध्ययनरत विद्यार्थी हुन् । ९ बजे घरबाट हिँडेकी कमला घरनजिकै रहेको ढागीलोटा भन्ने ठाउँमा खुट्टा चिप्लिएर लडेको बताइएकाे छ ।मृतक बालिकाको शव  बाटोबाट ५ सय मिटर तल खसेको अवस्थामा दिउँसो १२ बजे फेला परेको उनका आफन्त अमर बडुवालले जानकारी दिए ।

यस्तै जिल्ला प्रहरी कार्यालय बाजुराले भने यस विषयमा हालसम्म जानकारी प्राप्त नभएको जनाएको छ ।