काठमाण्डाैँ,
भारतमा काेराेना सङक्रमण तिव्र रूपमा फैलिदै छ। पछिल्लो २४ घन्टामा मात्रै ५ हजार ३३५ जनामा कोरोना पुष्टि भएको छ।यो सहित देशमा कोरोना सक्रिय संक्रमित २५ हजार ५८७ पुगेको छ।
बुधबार एकैदिन देशभर ४ हजार ४ सय ३५ जनामा काेराेना संक्रमण देखिएकाे थियाे। जुन गत वर्ष सेप्टेम्बर २५ यताकै उच्च हो ।
कूल सक्रिय संक्रमितमध्ये केरलामा सबैभन्दा बढि ८ हजार २२९ र महाराष्ट्रमा ३ हजार ८७४ जना सक्रिय संक्रमित रहेका छन्।
आधिकारिक तथ्यांक अनुसार पछिल्लो एक महिनायता कोरोनाबाट ६ जनाको मृत्यु भएको छ। यो अवधिमा २ हजार ८२६ जना संक्रमित डिस्चार्ज भएका छन्।
