रसुवाको नेपाल–चीन सीमाक्षेत्रमा भदौ १० गते आएको विनाशकारी हिमपहिरो, बाढी र हिलोको लेदोबारे चिनियाँ वैज्ञानिकहरूले महत्वपूर्ण निष्कर्ष सार्वजनिक गरेका छन्। चिनियाँ विज्ञान प्रतिष्ठानअन्तर्गत इन्स्टिच्युट अफ तिब्बतियन प्लेटोको नेतृत्वमा गरिएको संयुक्त अध्ययनले उक्त विपद्को मुख्य कारण तत्कालको भारी वर्षा नभएको देखाएको छ।
चिनियाँ समाचार संस्था सिन्ह्वाका अनुसार वैज्ञानिकहरूले भूउपग्रहबाट प्राप्त तस्बिर, स्थलाकृतिसम्बन्धी विवरण, भूकम्प मापन केन्द्रका अभिलेख, निगरानी क्यामेरा तथा घटनासँग सम्बन्धित भिडियो सामग्रीको विश्लेषण गरेर विपद्को क्रमबारे अध्ययन गरेका हुन्।
