काठमाडाैं,
जिल्ला सरकारी वकिलको कार्यालय काठमाडौँले नक्कली भुटानी शरणार्थी ठगी प्रकरणमा पक्राउ परेकाविरुद्ध अदालतमा अभियोजन दर्ता गर्न लगेको छ । कार्यालयले ३ बजेर ५० मिनेट जाँदा अभियोग पत्र काठमाडौँ जिल्ला अदालत लगेको हो ।
अभियोजनका लागि गठित आठ सदस्यीय समितिले प्रहरीले बुझाएको रायसहितको प्रतिवेदन अध्ययन गरी अभियोजन पत्र तयार गरेको हो ।
जिल्ला प्रहरी परिसर काठमाडौँले नक्कली भुटानी शरणार्थी बनाएर अमेरिका पठाउने लोभमा सयौँ नागरिकको करोडौँ रकम ठगी गरेको घटनाको अनुसन्धान प्रतिवेदन सोमबार जिल्ला सरकारी वकिलको कार्यालयलाई बुझाएको थियो ।
