६ असार, काठमाडौं

मोटरसाइकल चोरेको आरोपमा प्रहरी वृत्त चापागाउँले  मकवानपुरको मकवानपुरगढी गाउँपालिका–१ घर भएका गणेशमान घलानलाई पक्राउ गरेको छ।

घलानले चोरेको ३ वटा मोटरसाइकल प्रहरीले बरामद गरेको छ ।

जेठ २९ मा ललितपुरको ठेचोमा पार्किङ गरेर राखेको बा.९५ प ६०७० नम्बरको मोटरसाइकल चोरी भएको सूचना पाएपछि प्रहरीले बागमती गाउँपालिका–३ स्थित छपेलीमा ‘एम्बुस’ राखेको थियो ।

प्रहरी देखेपछि मोटरसाइकल दौडाएर फरार भएका घलान लडेर घाइते भए । उपचारपछि उनलाई नियन्त्रणमा लिएको प्रहरी वृत्त चापागाउँका डिएसपी कृष्ण चन्दले बताए ।

आरोपित विरुद्ध ५ दिनको म्याद लिएर प्रहरी वृत्त चापागाउँले अनुसन्धान गरिरहेको छ । प्रहरीको एम्बुस छलेर भागेका दुई जना फरार छन्।