हिन्दुकाे भावनामा चाेट पुग्याे, धर्मकाे नाममा नाैटंकी बन्द गरियाेस् : सांसद गाैतम

मंगलबार प्रतिनिधिसभा बैठकमा उनले हिन्दु धर्मावलम्बीको आस्थाको केन्द्र पशुपतिनाथलाई जथाभावी विवादमा ल्याइएको बताइएकी छन् । यस्तै उनले एमाले अध्यक्ष केपी ओलीप्रति सङ्केत गर्दै पशुपतिनाथमा अर्पित जलहरीमा आफ्नो नाम लेखाएको भन्दै निन्दा र भर्त्सना समेत गरिन् ।

“भांग्रा ओढी बाघको छालामा बस्ने भोलेबाबाले मलाई सुनको जलहरी चढाऊ भनेका थिए, न त भोलेनाथलाई सुनको जलहरी चढाउँदा शिवलिंगको मौलिक स्वरूप नै दर्शन गर्न पाइने  हो,” उनले भनिन्, “अराध्यादेव पशुपतिनाथलाई समेत जथाभावी विवादमा ल्याइदिएर सारा हिन्दुहरूको भावनामा चोट पुग्ने काम गर्दिए । गर्भगृहमा रहेको शिवलिंगलाई छुन त हुँदैन भन्ने मान्यता छ । धर्मको नामको नौटंकी बन्द गराई चढाएको सबै सुन राज्यकोषमा दाखिला गरी पशुपतिनाथको मौलिक स्वरूप देखिने गरी पुरानै अवस्थामा राखियोस् ।”