काठमाडाैं,

प्रधानमन्त्री पुष्पकमल दाहाल प्रचण्डले नेपालमा चाँडै विकासको तुफान आउन सक्ने तर्क गरेका छन् ।

एमाले प्रमुख सचेतक पदम गिरीले प्रधानमन्त्रीले विकासको तुफान आइसकेको जसरी बोलेको टिप्पणी गरेपछि प्रधानमन्त्री प्रचण्डले सबैले दृढ इच्छा शक्तिका साथ काम गर्ने हो भने असम्भव नरहेको बताएका हुन् ।

निराशा र कुण्ठाको राजनीति नगर्न सचेत गराएका प्रधानमन्त्री प्रचण्डले विश्वास र दृढतापूर्वक काम गर्ने हो भने देशमा चाँडै विकासको मुल फुट्ने दाबी गरे ।

उनले भने ‘मैले निरासा र कुण्डा हैन अविश्वास र आशंका हैन विश्वास र दृढताको लागि अपिल गरेको हो तुफान आईसकेको छैन्। तर अहिले जसरी काम सुरु भएको छ । त्रिदेशिय साँझेदारी १० वर्षमा १० हजार मेगावट या अरु कामहरु जसरी सुरु भएका छन् । यसरी जाने हो भने तुफान आउन चाहीँ सक्छ नेपालमा छिटै । ’