ललितपुर जिल्ला अदालतकी एक कर्मचारीमाथी कुटपिट गरेकाे आरोपमा वकिल पक्राउ

बुधबार अपराह्न साढे ४ बजे जिल्ला अदालतकी नायब सुब्बा प्रेमिका तामाङमाथि काठमाडौं-१४ का ३६ वर्षीय अमिर लामिछानेले कुटपिट गरेका हुन्। वकिलसमेत रहेका लामिछानेले कर्मचारीलाई कुटपिट गरेपछि उनलाइ पक्राउ गरेकाे जिल्ला प्रहरी परिसर ललितपुरका एसएसपी शिद्दिविक्रम शाहले जानकारी दिए।

‘लामिछानेले तामाङको फाँटमा पुगेर फाइल मागेर हेर्नु भएको रहेछ। तामाङले फोटो कपी गरेर हेर्नुस् भन्दा तँ तँ र मम भन्दै लामिछाने झम्टिएको र कुटपिट गरेको पीडितले आरोप लगाउनु भएको छ’, शाहले भने

आफूलाई कुटपिट गरेको भन्दै नासु प्रेमिका तामाङले प्रहरीमा उजुरी दिएकी थिइन्। मुद्दाको फाइल हेर्नेक्रममा सुरु भएको विवादमा लामिछानेले हातपात गरेको तामाङको दाबी छ। तामाङको मुखमा चोट देखिएको छ। हातपात गर्दा तामाङकाे कपडा च्यातिएकाे छ।कुटपिट भएपछि उनले मेडिकल गएर जाँच गराएकी छन्।