काठमाडाैं, १९ असार
सभामुख देवराज घिमिरेसहितको शीर्षनेताहरूको बैठक सिंहदरबारमा सुरु भएको छ ।
सभामुख घिमिरेकाे आह्वानमा बसेकाे बैठकमा सभामुख घिमिरेले संसदीय समितिका सभापति चयन र संसदलाइ प्रभावकारी बनाउने विषयमा छलफल हुनेछ।
सभामुखको कार्यकक्षमा सुरु भएको बैठकमा सभामुख घिमिरेसहित प्रधानमन्त्री तथा माओवादी अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा, एमाले अध्यक्ष केपी शर्मा ओलीसहितका नेता सहभागी भएका छन् ।
प्रतिनिधि सभा अन्तर्गत १० वटा विषयगत समितिहरु छन् । ती सबै संसदीय समितिका सभापति चयन भएका छैनन् । राष्ट्रिय सभा र प्रतिनिधि सभाका संयुक्त दुई समिति पनि सभापति विहीन छन् । समितिको बैठक बस्दा बैठकको अध्यक्षता ज्येष्ठ सदस्यले गर्दै आएका छन् ।
