काठमाडाैं,२६ असार
मनाङ एयरको एक हेलिकोप्टर सोलुखुम्बुमा दुर्घटनामा पर्दा त्यसमा सवार ६ जनाकै मृत्यु भएको छ । पाँच जना मेक्सिकोका नागरिक र एकजना पाइलट रहेका थिए । माउन्टेन फ्लाइटमा गएर काठमाडौं फर्किँदै गर्दा उक्त हेलिकोप्टर दुर्घटनामा परेको थियो ।
९एन–एएमभी कलसाइन रहेको हेलिकोप्टर सोलुखुम्बुको सुर्केबाट स्थानीय समयअनुसार बिहान १०ः५मा पाँच जना यात्रु लिएर काठमाडौंका लागि उडेको थियो ।
उडेको केहीबेरमै सम्पर्कविहीन भएको थियो । उडेको ८ मिनेटमै सम्पर्कविहीन भएको हेलिकोप्टर पिके पिक क्षेत्रमा दुर्घटनामा परेको थियो ।
