उनका अनुसार अबको कार्यक्रम सुर्खेत, दाङ, कपिलवस्तु, पूर्वी नवलपरासी हुँदै माघ २१ गते चितवनमा पुगेर समापन हुनेछ । स्थानीय तह, सामाजिक अभियन्ता, नगरपालिका र विभिन्न संघसंस्थासँग समन्वय गरी अभिमुखीकरण कार्यक्रम र सम्भव भएको स्थानमा रक्तदान कार्यक्रम पनि भइरहेको छ ।

अभियानअन्तर्गत विभिन्न कलेजका विद्यार्थीलाई सुसूचित गराउने कार्य पनि भइरहेको अधिकारीले बताए ।

‘रगतको अभाव भइरहेको अहिलेको समयमा ‘एक घर एक रक्तदाता’ भन्ने नाराका साथ युवामा सचेतना फैलाउने उद्देश्यले अभियान सुरु गरेका छौं । यसले रगत अभावको समस्यामा केही सहयोग गर्ने अपेक्षा राखेका छौं,’ उनले भने ।

मेची-महाकाली अभियानको पश्चिम नेपाल यात्रामा संस्थाका अध्यक्ष अर्जुन अधिकारी, सल्लाहकार बालचन्द्र पोखरेल, महासचिव अञ्जन दवाडी,  सदस्य दीपक घिमिरेलगायत छन् ।