युद्धबीच कतार एयरवेजले काठमाडौं–दोहा उडान सुरु गर्दै, यस्तो छ तालिका

तर, यी उडानहरू पहिलेजस्तै सामान्य रूपमा सञ्चालन नभएको र यात्रुहरूको सहजताका लागि सावधानीका साथ सञ्चालन गर्ने तय गरिएको पनि एयरवेजले उल्लेख गरेको छ, जसबाट दोहा ट्रान्जिटमा रहेका नेपालीसहित कयौँ यात्रुलाई राहत पुग्नेछ ।

अमेरिका इजरायलले २८ फेब्रुअरीमा इरानमा आक्रमण गरेपछि सुरु भएको युद्ध अहिले पनि जारी छ । इरानले खाडीका देशहरूमा समेत आक्रमण गरिरहेको छ, जसका कारण २८ फेब्रअरीदेखि नै कतार एयरवेजको उडानहरू प्रभावित भएको थियो । कतारको हमाद अन्तर्राष्ट्रिय विमानस्थल बन्द हुँदा कतार एयरवेजका दुई विमान काठमाडौंमै रोकिएका थिए ।

खाडीका देशहरूमा युद्ध चर्किंदा अहिले यी देशका हवाई मार्गमा सतर्कता अपनाइएको छ । कयौँ उडानहरू रद्द भएका छन् भने केही उडानहरू मार्ग परिवर्तन गरेर सञ्चालन गरिरहेको अवस्था छ ।

एयरवेजले यात्रुहरूलाई आफ्नो उडान तालिकाबारे पछिल्लो जानकारीका लागि आधिकारिक वेबसाइट, मोबाइल एप वा ट्राभल एजेन्सीमार्फत नियमित रूपमा बुझ्न अनुरोध र आधिकारिक टिकट नभएसम्म विमानस्थल नआउन अनुरोध गरेको छ ।