गुल्ममा आक्रमण : डीएसपीसहित सशस्त्र प्रहरी हेडक्वार्टर तानिए

हेडक्वार्टरले सशस्त्र प्रहरीको इन्टेलिजेन्स ब्युरोमा कार्यरत डीएसपी देवराज विष्टलाई खक्रौला खटाएको छ भने उनी हाजिर हुँदासम्म सशस्त्र प्रहरी निरीक्षक सूर्यप्रकाश पन्तलाई निमित्त प्रमुखको जिम्मेवारी तोकिएको छ ।

मंगलबार अवैध सामान सशस्त्र प्रहरीले बरामद गरेपछि बुधबार टीकापुर उद्योग वाणिज्य संघको सहभागितामा गुल्ममा छलफल भएको थियो । छलफलपछि डीएसपी पौडेलले ज्यादती गरेको र अपमानजनक भाषा बोलेको भन्दै गुल्मभित्रै पसेर स्थानीय व्यवसायीले पौडेलमाथि हातपात गरेका थिए । हातपातमा संलग्न रहेको आरोपमा टीकापुर नगरपालिका– ९ का रामबहादुर साउदलाई प्रहरीले पक्राउ गरेको छ । अन्य पाँच जनाको खोजी भइरहेको जिल्ला प्रहरी कार्यालयले जनाएको छ ।

घटनाको छानबिनका लागि ७ नम्बर बाहिनीमा कार्यरत सशस्त्र प्रहरी उपरीक्षक (एसपी) अनिल कार्कीको संयोजकत्वमा तीन सदस्यीय समिति गठन गरिएको थियो ।