पत्रकार महासंघलाई राजनीतिक दलको शाखा नबनाउन आग्रह

“मलाई के लागिरहेको छ अहिले भन्दाखेरि, हामी इन्डिपेन्डेन्ट छैनौँ । हामी स्वतन्त्रताको कुरा गर्छौं, तर हामी स्वतन्त्र छैनौँ,” उनले भने, “हामीलाई आफ्नो मानसिकताले अरूअरू आवश्यकताहरूले बाँधिराखेको छ ।”

पूर्वसभापति नेपालले राजनीतिले पत्रकारितालाई कहिल्यै ‘डोमिनेट’ गर्न नहुनेमा जोड दिए । पत्रकारिताले राजनीतिलाई मार्गनिर्देश गर्नुपर्ने उनले बताए ।

“…हामीले पत्रकारमुखी होइन, राजनीतिमुखी कार्यक्रम बढी गरिरहेका छौँ । यो कुरामा साथीहरू सजग हुनुपर्छ,” उनले भने, “राजनीतिले पत्रकारितालाई कहिल्यै पनि डोमिनेट गर्नु हुँदैन । पत्रकारिताले राजनीतिलाई मार्गनिर्देशन गर्नुपर्छ ।”

हाल सामाजिक सञ्जालको युगमा पत्रकारिताको शैलीलाई ‘रिभ्यु’ र ‘रिभिजन’ गर्ने बेला आएको उनले बताए । पत्रकारको वृत्तिविकास, छात्रवृत्ति र क्षमता अभिवृद्धिमा महासंघले ध्यान दिनुपर्ने उनले सुझाव दिए ।