ब्युनर्स आयर्स । अहिलेसम्म पृथ्वीमा बाँचेका सबैभन्दा विशाल डायनासोरमध्ये एक हो टाइटानोसर । यसले पृथ्वीको दक्षिणी ध्रुवतर्फका चिसा क्षेत्रमा समेत अण्डा पारेर प्रजनन गर्ने गरेको नयाँ वैज्ञानिक अध्ययनले देखाएको छ ।
वैज्ञानिकहरूले दक्षिणी अर्जेन्टिनाको चोरिल्लो फर्मेसन क्षेत्रमा टाइटानोसरका २५५ वटा जीवाश्मकृत अण्डाका बोक्राका टुक्रा फेला पारेका हुन् । यो खोजले यी विशाल डायनासोरहरू न्यानो र भूमध्यरेखानजिकका क्षेत्रमा मात्र प्रजनन गर्थे भन्ने पुरानो धारणामाथि प्रश्न उठाएको छ ।
