काठमाण्डाैँ,
क्रिकेटर सन्दीप लामिछानेको मुद्दामा आज (सोमबार) जिल्ला अदालत काठमाडौंमा सुनुवाइ हुँदैछ ।जिल्ला अदालत काठमाडौंका न्यायाधीश माधवप्रसाद घिमिरेको बेन्चमा उक्त मुद्दामा सुनुवाइ हुन लागेको हो ।
काठमाडौं जिल्ला अदालतले मुद्दा पुर्पक्षका लागि थुनामा पठाएकामा सन्दीपलाई पाटन उच्च अदालतले सशर्त २० लाख रुपियाँ धरौटीमा छोडेको थियो ।
सन्दीपविरुद्ध गत कात्तिक १४ गते जिल्ला अदालत काठमाडौंमा जबर्जस्ती करणीको मुद्दा दायर भएको थियो। नाबालिग बलात्कार आरोपमा सन्दीपलाई १२ वर्ष कैद सजाय हुनुपर्ने माग दाबी गरिएको छ।
बलात्कार गरेको आरोपमा सन्दीपलाई थुनामुक्त गर्ने उच्च अदालतको आदेश सर्वोच्च अदालतले सदर गरेको थियो । सर्वोच्चको आदेशपछि लामिछाने खेलमा फर्किएका छन्।
