रास्वपा कार्यालयमा दृष्टिविहीनहरूको प्रदर्शन, रवि लामिछानेलाई भेट्न नपाएपछि नाराबाजी

प्रदर्शनका क्रममा केही आन्दोलनकारी सभापतिलाई खोज्दै कार्यालयभित्र प्रवेश गर्न खोजेपछि सुरक्षामा खटिएका प्रहरीले उनीहरूलाई रोकेको थियो ।प्रदर्शनकारीहरूले सुरक्षाकर्मीले सभापतिलाई भेट्न पाइने भन्दै आफूहरूलाई झुक्याएको आरोप लगाएका छन् । उनीहरूका अनुसार सडकपेटीलाई जीविकोपार्जनको माध्यम बनाएका दृष्टिविहीन तथा न्यून दृष्टियुक्त व्यक्तिमाथि काठमाडौं महानगरपालिका लगायत विभिन्न निकायले बलपूर्वक हटाउने र धरपकड गर्ने कार्य गरिरहेको छ ।

आन्दोलनरत पक्षले सरकारले दृष्टिविहीन नागरिकको गाँस, बास र कपासको सुनिश्चितता गर्न नसकेको तथा जीविकोपार्जनका लागि सडकमा व्यापार गर्नसमेत अवरोध सिर्जना गरिएको भन्दै त्यसको अन्त्य गर्न माग गरेको छ ।उनीहरूले आफ्ना मागप्रति राजनीतिक दल र सरकार गम्भीर बन्नुपर्ने भन्दै समस्या समाधानका लागि तत्काल पहल गर्न आग्रह गरेका छन् ।