काठमाडौं। आइसीसी यू–१९ विश्वकप क्रिकेटमा सहभागी भएको नेपाली टोली स्वदेश आइपुगेको छ।
नेपाली टोली सोमबार बिहान काठमाडौं ओर्लिएको हो । नेपाल क्रिकेट संघ क्यानका पदाधिरकारीले टोलीलाई स्वागत गरेका थिए ।
समूह चरणमा पाकिस्तान र न्यूजिल्यान्डसँग पराजित भएको नेपालले अफगानिस्तानलाई पराजित गरेको थियो।
अफगानिस्तानलाई हराउँदै सुपर ६ मा पुगेको नेपाल बंगालदेश र भारतसँग पराजित भएपछि सेमिफाइनल पुग्नबाट बञ्चित भएको थियो ।
१६ टिम सहभागी प्रतियोगितामा नेपाल ११औं स्थानमा रहन सफल भएको थियो ।
