नयाँ दिल्ली–
भारतको राजधानी नयाँ दिल्लीमा घर भाडामा लिएर अश्लील चलचित्र बनाउने दम्पत्ति पक्राउ परेका छन् । भारतको प्रवर्तन निर्देशनालय (ईडी) ले पोर्न साइटका लागि सामग्री बनाउने दम्पतीलाई नियन्त्रणमा लिएको हो ।
पोर्न बनाउन प्रयोग गरिएको भनिएको उक्त घर दिल्लीको एक अस्पतालमा कार्यरत डाक्टरको नाममा रहेको भारतीय सञ्चार माध्यमले जनाएका छन् । आरोपित दम्पती विगत पाँच–छ वर्षदेखि यहाँ भाडामा बस्दै आएका थिए ।
उक्त घरमा ईडीले छापा मारेर १५.६६ करोड रुपैयाँ बराबरको अवैध विदेशी रकम फेला पारेको दाबी गरेको छ ।
