काठमाडौं मेडिकल कलेजले भोटेकोशी बाढीका कारण आर्थिक संकटमा परेका एक दम्पतीको निःशुल्क मिर्गौला प्रत्यारोपण गर्ने भएको छ।
बाढीपीडित ४१ वर्षीया विष्णुकुमारी डंगोल र उनका श्रीमान् राजकुमार डंगोलको मिर्गौला प्रत्यारोपण अस्पतालले निःशुल्क गर्ने भएको हो। अस्पतालमा भर्ना भएदेखि शल्यक्रिया भई डिस्चार्ज हुँदासम्म लाग्ने सम्पूर्ण खर्च कलेजले बेहोर्ने कुरा सामाजिक सञ्जालमार्फत जानकारी गराएको छ। बाढीपीडित नागरिकको उपचारमा सहयोग गर्नु सामाजिक दायित्व भएको बताउँदै अस्पतालले आवश्यक सहयोगका लागि सम्पर्क गर्न अनुरोध गरेको छ।
