५ वर्षअघि लुटपाटमा संलग्न प्रहरीका घुमुवा अहिले रकम उठाएको आरोपमा पक्राउ

तिनै विष्ट पाँच वर्षअघि हुन्डीको रकम लुटेको आरोपमा पक्राउ परेका थिए । २०७७ असारमा न्युरोडमा हुन्डीको १० लाख लुटेको आरोपमा पक्राउ पर्दा उनी जिल्ला प्रहरी परिसर काठमाडौँको घुमुवा थिए ।

अहिले उनी उपत्यकाको प्रहरीको सवैभन्दा माथिल्लो युनिट काठमाडौँ उपत्यका प्रहरी कार्यालयको सादा पोसाकमा परिचालित प्रहरी कर्मचारी हुन् ।

उनलाई जिल्ला प्रहरी परिसर काठमाडौँको हिरासतमा राखेर प्रहरीले अनुसन्धान गरिरहेको छ । हुन्डी कारोबारीसँग रकम लुटेको मुद्दामा सफाइ पाएर प्रहरी सेवामा फर्केका विष्ट फेरि कसरी सादा पोसाकको जिम्मेवारी खटिए भन्नेबारे प्रश्न उठेको छ ।

उपत्यका प्रहरी कार्यालयमा एआईजी टेकबहादुर तामाङ हुँदा उनले नै विष्टलाई सादा पोसाकमा खटिने ‘इन्टेलिजेन्स’को जिम्मेवारी दिएको उपत्यका प्रहरी कार्यालयका अधिकृतहरू बताउँछन् ।