प्राइम कमर्सियल बैंक लिमिटेडले आफ्नो १४ औँ वार्षिक साधारणसभा बोलाएको छ। बैंक सञ्चालक समितिको मंसिर १० गते बसेको बैठकले वार्षिक साधारणसभा आउँदो पुस ६ गते बैंकको केन्द्रीय कार्यालयमा भर्चुअल माध्यमबाट बिहान ११ बजेबाट सुरु हुनेछ।
सभाले गत आर्थिक वर्षका लागि प्रस्तावित कुल १६.६३१३ प्रतिशत लाभांश अनुमोदन गर्नेछ। जसमा १६ प्रतिशत बोनस सेयर र कर प्रयोजनार्थ ०.६३१३ प्रतिशत नगद लाभांश छन्।
सोही सभाले बोनस सेयर वितरणपछि जारीपुँजी र चुक्तापुँजी वृद्धि हुने भएकोले सोहीअनुसार प्रबन्धपत्रमा संशोधन गर्ने विशेष प्रस्ताव पनि पारित गर्नेछ। मंसिर २१ गतेसम्म कायम सेयरधनीहरुमात्रै यो बैंकको लाभांश पाउन र सभामा भाग लिन योग्य हुनेछन्।
