बरु मध्यावधिमा जाने तर, मुख्यमन्त्रीलाई विश्वासको मत नदिने कांग्रेसकाे अडान

बिहीबार प्रदेशसभा भवन परिसरमा पत्रकारहरूसँग कुराकानी गर्दै कांग्रेस कोशी प्रदेश संसदीय दलका नेता उद्धव  थापाले  मुख्यमन्त्री कार्कीलाई विश्वासको मत नदिने बताएका हुन् । थापाले मुख्यमन्त्री कार्कीलाई विश्वासको मत दिन नसकिने बरु आवश्यक परे मध्यावधि निर्वाचनमा जान सकिने बताए ।

‘बरु प्रदेश मध्यावधिमा गयो भने फेस गरौंला। मध्यावधिमा जानु ठूलो कुरा भएन तर मुख्यमन्त्रीलाई विश्वासको मत दिँदैनौं। त्यसका लागि ४ दलबीच एक भएर अघि बढ्ने सहमति भएको छ। सहमति अक्षरसः पालना हुन्छ,’ माओवादी, एकीकृत समाजवादी र जसपाबीच भएको समझदारीको कुरा गर्दै थापाले भने, ‘त्यसमा कुनै शंका गर्नुपर्दैन।’